الف الف الف مبروك ابو الشفا المولود الجديد ( خليفة )
اللهم اجعله من الصالحين المصلحين البارين بوالديهم
--------------------
وهي لعييونك وعيون خليفة
---------
يستاهل الصبح وجهك والفرح ثغرك
ما دام ربي رزقك بقرة عيونك
طفل يفتح بدنيا فرحتك زهرك
ويزف سعد الليال البيض في كونك
كل التهاني يعطر حرفها ذكرك
واحلى القصايد ينور وجهها لونك
والشمع عيد...وصبح على الزهر فجرك
وقلوب تنبض غلا...مثلي...يهنونك
ربك يحبك وزادك بشر في بشرك
واهداك طفل يورق باقي غصونك
وشيل طيب قلبك...وفخرك
ويبدد شجون كل العمر...وشجونك
الله يطول بعمر ( الخليفة )...وعمرك
والله يصونه لبيت العز...ويصونك
والله يحفظه...ويبقى دوم في أمرك
ابنآ يحقق لك الأحلام بعيونك
