كلمات الشاعر الكبير: تركي الميزاني (تركي2000) ياحرفي اللي ضاع مابيـن الدفاتـر والرفـوف اللي رسمته مـن تنهاتـي ومـن حبـر قلمـي ضحيت لاجله في حروف وقمت لاجله في حروف وصبرت لو النار من فوقي ومن تحـت قدمـي ياصاحبي ياللي على شانـك تحديـت الظـروف اسمع كلامي زين وافهم وش اقوله مـن فمـي ماهوب انا اللي تتركه بين الخناجر والسيـوف وتمص دمه بين خلـق الله يامصـاص الدمـي انا بدوي(ن) ماسكن فالوقت مسكان الضعـوف اتبع هوى بالـي واسيّـر عنـد ذودي وغنمـي طوفتها لك لاجل خاطر عين والأ ماتطوووف وإلا مهما زاد وزنك وزني يطرحك انسمي صمتي يدل اني وفي ومسوي(ن) فيك معـروف وصبري يدل اني من زحول الصناديـد انتمـي ياقوم ياللي تذبحون الحيل قـدر(ن) للضيـوف وش رايكم ف اللي يعشيني من وصال لحمـي؟ وقفت له يوم اجلسو واجلستله ناس(ن) وقـوف غير الذخيره والفشق في محزمه مـن محزمـي اتمنى ان تنال على اعجابكم,,
