يامدير تعال !! لاحظت من خلال تجولي بالاسواق والمجمعات واختلاطي ببعض البنغالية لإشراء بعض المستلزمات الخاصه انهم يقولون أهلين مدير تفضل ويضحكون وأنا مستغرب ليش يقولي مدير هو يعرف عني شي يعرف اني مدير ؟؟ او عاطل عن العمل هو يعرف عن حياتي عشان يقول مدير ؟؟ لا والمشكلة انهم كلهم كل البنغالية يقولون مدير أنا فكرت فيها كثير ولا راحت عن بالي كلماتهم (( يامدير )) وبعدها تتغير وجوههم ويضحكون ؟؟ قلت لازم اسأل عن هالكلمه واعرف معناها رحت لمكتب السالم لترجمه قابلت استاذ باللغه هندي يترجم الأردو واللغه البنغاليه والهنديه سألته وقلت له ابي اعرف اكثر من كلمة بنغاليه ممكن تترجمها لي بالعربي ؟؟؟ وبقولك سالفتها بكل صراحه قلت له وش معنى كلمة مدير بالبنغاليه ؟؟ (( نظر فيني وضحك والله العظيم ضحك )) وقال لي لازم تعرف معناها ؟؟ قلت ايوه لازم بصراحه ضحكته زادت الشك فيني والاستغراب وانواع الافكار والتعجب وش معناها ابي اعرف لو ادفع كل اموال الدنيا ياناس وصلت مرحلة اني لازم اعرف هالكلمة من اللي شفته من البنغاليه يقولونها ويضحكون ولا ادري وش يضحكهم واللي مهبل فيني ليش كلهم متفقين على كلمة وحده .. كلمة يامدير ليييييييش ابي افهم قلت لا والله العظيم ما اطلع لو اتهاوش معك إلين تقول لي وش معنى الكلمة ..... قال بقولك لكن لاتقول لاحد لان هالكلمة يمكن مايقصدو الشتم والسب فيها لسعوديين او زبائنهم يمكن يقول مدير من باب الأحترام لك والكلمة هذي باللغه العربيه مدير مافيها شي والمتعارف عليها ان المدير هو الشخص المسؤول له منصب وتقدير في المجتمع ،،، المهم ازعجني بكلامه وترقيعه لكلمة مدير قلت لا خلصني ترى طولت وأنا انتظرك تكلم ... تدرون وش معنااااااااها ؟؟؟؟؟؟ كلمة مدير بالبنغاليه يعني عزكم الله (( حمــــــــااار )) لا وحمار اصلي بعد احنا حميير عند البنغاليه لو فكرت شوي اخوي المحترم ليش يقولك اهلين مدير ؟؟ يعرفك يعرف عن حياتك هل انت مدير او وزير او طيار او مدرس او عاطل عن العمل إلخ ... لاحظو بأغلب المجمعات والاسواق والمنتنزهات اللي فيها بنغاليه اول مايستقبلك ويبي يضحك عليك يقولك على طول مدير تبي تعرف انو الكلمة هذي يقصد فيها انك حمار مع احترامي لك رد عليه بأبتسامه او ضحكه وقوله لا انت المدير ومدييييييييير كبيييييييييير بعد .. وشوف ردة فعله شنو .. صدقني راح تشوف وجهه تغير واللي حوله اصحابه البنغاليه راح تتغير نظراتهم لك ،،،
تسلم اخي ابوالاحمدين على نقل هذي المعلوماة الخطيره والله طلعو البنقال يسبونا وإحنا ياغافل لك الله مشكوور مره اخـرى على الموضوع تقبل مروري ياغالي
نشكرك ابو الاحمدين نبهتنا للموضوع في واحد يشتغل معي في البيت كله يقول لي يا مدير وكلما اقوله شيء يقول ما في مشكلة اسألنا عن كلمة ما في مشكلة يمكن تطلع مسّبه
قليل الأصل البنغالي ما يحفظ جميله ؟ والذي يلفظ بها لا تعاتبه ولا تلومه .. قليل الأصل ما يحفظ جميله كما .. الما.. يوم تصبه بالغرابيل ولجل المنفعه كم له وسيله كما العود تستوي فيه المواويل وكم معروف من خنجر قتيله وكل اخلاق في وجهه مقاتيل إذا في حاجة ٍ جاك بذليله واذا جيته طَفى نور القناديل يعيش العمر في نفسن عليله وينزل من عيون كل الرجاجيل ولجل القرش هانت له خليله وعبد القرش يسجد للتماثيل وكم أيمان طلق له حليله وفعله بالحرام باهله مفاعيل تذمم لان في حظه قليله ودمع العين يسكب بالمناديل فكم يشكي على عابر سبيله وكم يبهت عروضن بالأقاويل على حبله نشر أوسخ غسيله وكنّه قد جمعها في البراميل وانّه لو اخذ شين بحيله فأطيب ناس سماهم مهابيل فمكر الله قادم بايجي له ومثله عبرةٍ فيها الأماثيل ومكر ابليس فوقه بايشيله كتاب الله يشهد بالتراتيل إذا ضاع الحيا ما شي بديله ولا تسمن ولا تغني التفاصيل ألا .. يا وقت قل لهل الفضيله جواد الأصل ميسور التساهيل يعز ّ الله عربان وقبيله ويمحق كل داعي للأباطيل فشوف الورد كم له من فصيله يظل الفرح فيها والأكاليل
تسلم ابو الحمدين نبهتنا انا عندي بنغالي كل يوم يقول لي يا مدير وفي كلمة ثانية كل ما اقول له شي يرد علي ما في مشكلة! ان شاء الله ماتطلع هي بعد مسّبه
تسلم اخي على هاذا المعلومه والله طلع الموضوع سالفه كبيره بارك الله فيكي ونفع فيك وجزيت كل خير على هاذا المعلومه الف شكر لا هنت
على العموم مادام يقلك يامدير وانت ماتفهم قصدها بلغتهم مع اناهى بلغتنا كلمه ترفع من شانك ارجع امرك الى الله ولا تنسى انهم دوله مسلمه ولاتحكم على البنغاليه كلهم وكان من المفروض ان لاتتبع عثرات المسلمين بكثرة بحثك عن حقيقة الكلمه حتى وصلت الى مراكز عليا حتى وصلت للحقيقه الذي صدمتك ونقلت الفتنه لعامه من قرا مقالك ارجوا ان تزودو انفسكم بتقوى الله مع احترامي لك وشكرا واذا شفت بنفالي قال لك يامدير قله انت المدير وانهيت السالفه وسلامتك ابو الاحمدين
