الخالـدي حقـي مـن الدنيـا مـعـي = حيا حياة الموت لوجاني بـذه الساعـه لانـا مداعـي حـد ولالـي منـدعـي = سلمت ذي عندي وذي لي جات بالطاعه سقـى مراعـي كنـت فيهـا برتعـي = زمان كان الواد لـي والحيـد والقاعـه زمـان كـان القلـب سالـي مولعـي = مثل السويسي لاطلع رأس الجبل زاعـه واليوم رك العظم والـرأس اصلعـي = والصيد ذي بالحيد شاعف مني اصداعه حمل الثقـل ذي كنت اشله باصبعـي = عندي صعــيب الــيوم نزاله وطلاعه يهنـاش يانوب العسـل ذي تشرعي = نبغى عسل جرادان ذي تجنيه باشراعه قلنـا لنفـس الويـل توبي واقنعـي = خلي حبـوب الليـم والعمبـا لزراعـه كلي من الحاصـل ومن ذي تزرعي = صفَي حسابش لاتكوني نفـس طماعـه كوني معي واقع كمانا واقعــــي = وتحت امري طائعة للامر منــــطاعة والمال ذي شفتـي بسـوق المرزعـي = لاتسئلي مـن ورَده للسـوق او باعـه لاتحنـبـي واتحنـبـيـن اليـافـعـي = فوق المكاوي ذي طرحتيها على اضلاعه شوفي طريق السهل ذي بـه تجزعـي = فيها وحدي من نمار الحيـد واسباعـه صلي على الحاضر وجوعي وشبعــي = سوقي وسوقش قد نقضنا السقف واسواعه الشاعر/شائف محمد الخالدي رحمة الله عليه
