لك ياقلم بحـت بخوافـي وأسـرار
نار الهموم صلـت خفوقـي بنـاره
اخفي جروحي دوم والقلـب صبّـار
عسـاه يبشـر بالفـرج وانتظـاره
مابين مجامل.. وحاسـد.. وغـدّار
ضيعّت يومـي ليلتـه مـن نهـاره
واللي يوّرد علـم.. تجيـه الأخبـار
وعسـاه يفهـم اللبيـب بـإشـارة
ماقلـت أبكتـب وأبخـط الأشعـار
لجل المديح ولجـل أبيـن شطـارة
كلمـات بخافقـي تبـقـى تـذكـار
إن وصلت أو ماوصلت مو خسـارة
ياللي تقول بلا فعل.. بـس مهـذار
حيّدت عن درب الرشـاد ومسـاره
(لو فيك خير) اطلع تكلـم بالأنـوار
وقل هذا هـو راي فكـري وقـراره
مير الضعيف حيلته مابهـا إجهـار
ردي ومضيّـع هيبتـه مـع وقـاره
هي فكرةٍ وبتوصلك عبـر الأشعـار
حكيك بعيد عـن دروب الحضـارة
وأنا مثل ما أنا بعـزي مـا انهـار
ماحركتني صواديف الزمن وانكساره
كيف عاد لو هي كلمـةٍ مـن مكـاّر
خاسر وبيتـه ساعـيٍ فـي دمـاره
يحكون فيني كـل ناقـص وهـذار
ناسٍ ماتقبـل غيـر طبـع الحقـارة
(غيمة) ومزني يروي ظاميات الأقفار
الطيب هو طبعي ولنفسـي شعـاره
أكتب وغيري (يموت من القهر) ثار
هذا أنا معنـى الشمـوخ و وقـاره
وسلامتكم

تسلم على مرورك الطيب وكلامك الجميل
فالف شكر شرفتني بمرورك

مابين مجامل.. وحاسـد.. وغـدّار

ضيعّت يومـي ليلتـه مـن نهـاره

واللي يوّرد علـم.. تجيـه الأخبـار

وعسـاه يفهـم اللبيـب بـإشـارة