=8]كتبت هذه القصيده في المنفى
ياسامع دعا من يدعي ذي يخلص بنيه دعواه
اسمعني وخفف عني يكفي القلب ذي قد عاناه
قال المولعي بن شايف هذا العيد ثاني مقساه
خلي في يافع وانا في شواطي جده
واطير الحمام الزاجل شل الخط مني با اللاه
الى يد الحبيب الغالي ولا تلمس بنانه يداه
قل له دمع عيني ساكب حتى النوم ماشي شفناه
من يوم السفر لساعه ما ملت لساني ذكراه
دايم صورته قدامي وعيني شاخصه في عيناه
والكلمه بوسط الحلقوم تعجز عن بلوغ الافواه
لاكان البعاد القاسي ولاكان الشقاء ذي نشقاه
ايش الفيد ذي نتفود غير الحزن دايم وال اه
ماشتي بنك ولا منصب لا ادوني مدير المصفاه
جنبك عيش حتى راعي ما هل الفسل يطرح محجاه
واطير الحمايم فهم ذي من صدق قلبي حباه
اني ماسلكت الغربه الا من دواعي واكراه
قل له ان علي بن شايف صار اليوم داخل منفاه
يتجرع كؤؤس العلقم لو شافه حبيبه يرثاه
با الخضره الاهي ينعم ذاك الحيد ربي وكساه
وسقى حيكم والمرعى من مزنه كرايم سقياه
اجمل عمر عشته معكم في قريه صغيره محلاه
وزرع الكبد سبته فيكم ربي من سمائه يرعاه
يا الام الحنونه دعوا ونتي ساجده نحو الله
قد درات عليا الدنياقد جارت علي يمااه,
,وختمها بذكر المرسل ذي اسمه ورد با التوراه
,oماطافه ضيوف الرحمن بالكعبه ورتل ذكراه
