• الله أكبر يا عرب مـا تسمعـون
            الله أكبرما تشوفوا وش حصل ؟

            الله أكبر داااايـم الهايـن يهـون
            الله أكبـر لا كـلام ولا فـعـل!

            عودوكـم تسمعـون وتسكتـون
            وتقبلون بشي عمره مـا نقبـل !


            أخرتهـا يكتبـون ويرسـمـون
            النصارى واليهـود أهـل الحيـل

            بعد هذي ياعرب وش تحتـرون ؟
            إزعلوا .. نوبات يازيـن الزعـل


            للرسول المصطفـى لا ياصلـون
            اردعوهم والجهـل ضـده جهـل

            الرسول أهل السماء له يشهـدون
            فضله ربـي علـى كـل الرسـل

            فضله من أمـره بكـافٍ ونـون
            علمـة جبريـل قــرآنٍ نــزل

            وليلة الإسراء إمـام المرسلـون
            هو إمام الأنبيـاء حـق وعـدل

            أنبيـاء الله خلـفـه يركـعـون
            الله اللـي فضلـه عـز وجــل

            والبشر من كل شكل وكـل لـون
            له عليهم بعـد فضـل الله فضـل



            أمتـه يـرّدون غـر محجلـون
            العداله من نصيـب أهـل العـدل

            وبعد هذا يطلعون أهـل المجـون
            يرسمون أشكال ماهي لـه شكـل


            يكذبـون ويخسئـون ويعقبـون
            مـا لسيدنـا بهالدنـيـا مـثـل

            لا تعدوهـا لهـم لـو تفهمـون
            لا تعدوهـا لهـم ترجـع دبــل

            حاربوهم كلهـم واللـي يخـون
            رحلوه إن كان معهـم مـا رحـل

            مايمون اللي يجامـل مـا يمـون
            إسموعها زين ياشيـوخ الشمـل



            النصـارى واليهـود يخططـون
            الله أكبـر لـو مخططهـم كمـل


            والعرب ( لستار ) بس يصفقون !
            همهم روبي مع سميه عسـل



            مالت الدنيـا علـى المتمايلـون
            وطالت الغفله علـى قلـبٍ غفـل


            الله أكبر يا عرب وش تحتـرون
            صملوهـا وتغـدي قـول وفعـل


  1. رد: الدفاع عن الرسول الله

    الله أكبر يا عرب وش تحتـرون
    صملوهـا وتغـدي قـول وفعـل

    بارك الله فيك
  2. رد: الدفاع عن الرسول الله

    شكرا على القصيدة المعبرة الامة في سبات عميق الله ينصر دينه وكتابه ورسوله وعباده المؤمنين
  3. رد: الدفاع عن الرسول الله

    :rain:تسلم يا بو عبدالعزيز والله العرب قلوبهم نايمه واذا تكلموا قالوا عنهم ارهابيين الذي يافع عنه الله وحده لاشريك له ونقول الهم من سب رسولنا شل اركانه ويتمنى الموت ولا يحصل عليه آمين
    وجزاك الله الف خير
  4. رد: الدفاع عن الرسول الله

    ياخواني العرب نيام في سابع نومه احتلو بلادنا ونحن قاعدين نتفرج


    الله المستعان على قيادتنا
  5. رد: الدفاع عن الرسول الله

    اللهم انصر دينك وانصر نبيك واهدي ولات امر المسلمين وارفع الجهاد وانصر العباد