قصيدة مؤثره : ماعاش من يخليك خادمة يا يمه .. هذي قصيده مؤثرة لأم تشكي حالها بعد أن وداها ولدها الله يهدي (دار العجزه) أو كما يقال ( دار النسيان) والبيت أعلاه يبكي حتى القلب القاسي .. وين أنت يا حمدان آمك تناديـك .. ورآك مـا تسمــــــــــــــــع شكايـا وندايـا يا مسندي قلبي على الدوم يطريـك ...... ما غبت عن عيني وطيفك سمايـا هذي ثلاث سنين والعيـن تبكيـك ............ ما شفت زولك زايـر يـا ضنايـا تذكر حياتي يـوم أشيلك واداريك ........... والاعبـك دايـم وتمشـي ورايـا ترقد على صوتي وحضني يدفيـك ........ ما غيرك احدٍ ساكن فـي حشايـا واليا مرضت اسهر بقربك وأداريك .. ما ذوق طعم النوم صبـح ومسايـا ياما عطيتك من حنانـي وبعطيـك ......... تكبـر وتكبـر بالأمـل يـا منايـا لكن خساره بعتني اليـوم وشفيـك ... وأخلصت للزوجه وانا لي شقايـا انا ادري انها قاسيـه مـا تخليـك ...... قالت عجـوزك مـا ابيهـا معايـا خليتني وسط المصحة وانا ارجيك . هذا جزا المعروف وهـذا جزايـا يـا ليتنـي خدامـة بيـن اياديـك .... من شان اشوفك كل يوم برضايـا مشكور يا ولدي وتشكر مساعيـك ... وادعـي لـك الله دايـم بالهدايـا حمدان يا حمـدان امـك توصيـك . اخاف من تلحق تشـوف الوصايـا أوصيت دكتور المصحة بيعطيـك .... رسالتـي واحروفهـا مـن بكايـا وان مت لا تبخل علـي بدعاويـك . واطلب لي الغفران وهـذا رجايـا وأمطر تراب القبر بدموع عينيـك ... ما عـاد ينفعـك النـدم والنعايـا _____________________________________________________ حسبي الله ونعم الوكيــــــــــــــل الله يكون فعونها آميــــــــــــــــن ____________________________ Khalidmohd64@hotmail.com
