بدع لبوهند الحمري وجواب ابورعد القطنه

قصيدة الشاعر الكبير ابوهند حسين الحمري مرسله للشاعر ابورعد القطنه الحجاجي /الصلح مابين الشاعر الكبير احمد محمد الصنبحي ابو صقر وابورعد القطنه

يقول أبوهند طابت ليلتي طابه

@@@@@@@@@@ والهاجس اقبل وقلنا طاب ليلك طاب

هات القلم والدواء واحضرت حسابه

@@@@@@@@@@يالله سرى الليل مادام والقمر ماغاب

اطلع طلوع الجبل وانزل اشاعبه

@@@@@@@@@@بقدرت الله ما با بغلبك غلاب

مادام وأبوهند بعدك عاصر اشنابه

@@@@@@@@@@والفين من كور حمره عاصره لشناب

عبر المحيطات والأنهار والغابه

@@@@@@@@@@ومر الصين وارض الهند والبنجاب

لا عند أبورعد شاعر كفو مسخا به

@@@@@@@@@@ومن وجدته معه من ديرت الأصحاب

سلم لهم عطرباقة ورد جذابه

@@@@@@@@@@لايد أبورعد ويقسم على الأقراب

قله محكم بما الصنبحي جابه

@@@@@@@@@@والحكم لابن القطنه خاب ولا صاب

هذا خرج فصل وانته فاهم أسبابه

@@@@@@@@@@وانت المحكم وعارف كيف جت لسباب

شفنا قبائل عسى المقصود ترضى به

@@@@@@@@@@ما عاد حاجه نصل لا مجلس النواب

وقل لقايد علي لصحاب غصابه

@@@@@@@@@@وحسب قول المثل كسب الصحب غصاب

شعار يافع تراهم ناس عيابه

@@@@@@@@@@يترقبوا بيننا فرصه لدق الباب

يضحك أمامك وسمه داخل انيابه

@@@@@@@@@@واحنا الأطباء نزيل السم من لنياب

تربيت لينين كانوا أمس طلابه

@@@@@@@@@@ومن درس عندهم جانا مريض أعصاب

أمثال ثابت عوض ذي شن محرابه

@@@@@@@@@@وبن سليمان والريوي معه محراب

ثابت بيدي وانا اخبر به وانا ادرى به

@@@@@@@@@@وانا النمر عالفريسه بلوي المخلاب

لا ما يجي معترف وينكس اسلابه

@@@@@@@@@@والعفو مني وتاب الله على من تاب

وانت ابن جبران لاجاء سو به صابه

@@@@@@@@@@لا تقتله قتل لكن صوبه صواب

بناء محاجي وله محجاء تحجا به

@@@@@@@@@@مهما ضحك وابتسم قاسم شفه عياب

هذا كفا لاهنا والشرح قلنا به

@@@@@@@@@@عسى كلامي ينال الود والإعجاب

كأس الوفاء يابني حجاج كلنا به

@@@@@@@@@@لابن القطنه ولاظنيت ظني خاب

وختمها كلما تشرق وما غابه

@@@@@@@@@@على محمد حبيبي سيد الاحباب

جواب الشاعر الكبير ابورعد القطنه الحجاجي

يقول أبو رعد القطنه نار الجيد لهابه

@@@@@@@@@@شعله مضيه بدل نجم السماء ذي غاب

نار الكرم والسخاء للضيف كرابه

@@@@@@@@@@كما يطنب حشا نقفل بوجهه باب

وللعدو مننا نيران قطابه

@@@@@@@@@@تسحق عظامه وتقطب لحمته قطاب

وبعد يامرحبا ضيفي وحيا به

@@@@@@@@@@ماحن راعد وبعده جا مطر سكاب

يامرحبا الصوت بالحمري وما جابه

@@@@@@@@@@والفين ذي قال با يأتوا من الأصحاب

حتى ولو هو وصلنا عاصر أشنابه

@@@@@@@@@@بستقبله في رواقه هادي الأعصاب

القصر عالي وثيق الساس والكابه

@@@@@@@@@@ضد الصواعق وضد العاصفه والزاب

وفوق هذا وهذا فاتح ابوابه

@@@@@@@@@@بستقبل الضيف والمدحون في ترحاب

وخط أبوهند جاني وافتهم ما به

@@@@@@@@@@قريت خطه ونال الود والإعجاب

جاني وحكم على بو صقر واعيابه

@@@@@@@@@@ونعم ببوهند عارف منطق الأعراب

الصنبحي قد غلط واجحد على أربابه

@@@@@@@@@@عاب القطنه وشوه به بدون اسباب

غلط على بن علي بالقول واغتابه

@@@@@@@@@@بلا مراعاه للعادات والآداب

باع النسب والصحب بلفاظ كذابه

@@@@@@@@@@والعيش والملح ذي كلناه به ماطاب

ذا صاحبك ياعزيزي وانته أدرابه

@@@@@@@@@@أحمد عملها كبيره وآب منه وآب

ما عاد بانكسر أقفاله ودولابه

@@@@@@@@@@أو بيع أبوصقر واهدي فيه للأغراب

با رجع الحكم لك وانته تعنابه

@@@@@@@@@@وشوف ما حكم من خان الصحب واغتاب

تحاكمه انته اخبر به وأولا به

@@@@@@@@@@والحكم لك فالنهايه مطلق الأبواب

أو سامحه وادفن الماضي مع أسبابه

@@@@@@@@@@حتى ولا صاحبك يحتاج كسر أنياب

مهيل أنا خايف احمد ينكر أنسابه

@@@@@@@@@@ويغرق المركب الحربي مع الركاب

شف من غدر صاحبه يغدر في اقرابه

@@@@@@@@@@با حذرك قبل ما توقع في المحناب

والثانيه من يعاشر ناس نصابه

@@@@@@@@@@يتعلم النصب واصبح مثلهم نصاب

هذا خرج فصل والثاني خذ اجوابه

@@@@@@@@@@من راس شاعر قبيلي صابها ما خاب

يافع وشعارها شعار حرابه

@@@@@@@@@@با قولها صدق لا خايف ولا مرتاب

لو كان حد غيرهم باتحرق أعصابه

@@@@@@@@@@ما ظن يتحمل التهديد والإرهاب

وهم ونعمك رجال الدم شرابه

@@@@@@@@@@لو جاهم الموت تلقاهم رجال أرجاب

ونا وثابت دخلنا وسط محنا به

@@@@@@@@@@من عام تسعين واربع معلنين إضراب

لا طاع يخضع ولا نا قابل إرهابه

@@@@@@@@@@كلن بمحجاه انا مدمي وهو مصطاب

يحرق بناري وانا مزكوم من زابه

@@@@@@@@@@لا قلت توبه ولاهو من عذابي تاب

والنار بالنار من مدفع ودبابه

@@@@@@@@@@جهِراً نهاراً ولا عبته ولا هو عاب

وبا نضلي كذا فتنه ومضرابه

@@@@@@@@@@لما يفك العقد رب السماء الوهاب

أما ابن جبران عاده ما بزغ نابه

@@@@@@@@@@لازال يابن محمد داخل المزراب

حتى ولو قلد البصري علي بابه

@@@@@@@@@@أو ثار أو غار ما با صوبه صواب

قتل القبيلي ولا قهره وعذابه

@@@@@@@@@@ترتاح منه ولا يجلب لك الأتعاب

وحسب ما قلت لي لصحاب غصابه

@@@@@@@@@@عدو عاقل ولا صحبة غبي كذاب

حلل مقالي على مهلك تأنا به

@@@@@@@@@@وافهم رموزي وحلل عقدة الألقاب

ولك تحيات شاعر حزت بعجابه

@@@@@@@@@@من حيث بدعك وقولك قول ناس اطياب

وختمها بالنبي طه وبصحابه

@@@@@@@@@@ماحن راعد وسيله يسقي الاشعاب