ياللي تقول أن الحلا في حليمة

قصيدة ابن فطيس في حليمة !!


ياللي تقول أن الحلا في حليمة
يالله عسى ربي من الشوف يعميك

عمرك سمعت أن الحلا في بهيمة ؟
بهيمة في شكلها الشوف مغويك

وين الحلا فيها ووين الحشيمة ؟
الله بلاها بالخساسة وباليك

قولت حلا فيها تراها ظليمة
والزين له ناسه عسى الله يهديك

الزين في بنت الرجال الكريمة
اللي على حق الشرف ماتخليك

اللي تسمي بالشهامة شهيمة
من دون مكياج بها الزين يكفيك

بناتنا ياجعلهن للغنيمة
أحلى بنات الكون والحق يرضيك

نحمل لهن بقلوبنا كل قيمة
حنا ذراهن يوم خاب الرجا فيك

في عزهن يالله طلبتك تديمه
وأستر شرفهن دام كل شي بيديك

وانا نويت اللي رضخ للهزيمة
أسمع كلامي زين من قبل لاأنهيك

ماظنتي عقلك وعينك سليمة
تحتاج منهو في كلامك يربيك

سقيم لاقالوا مدح له سقيمة
حتى كلامك صار مثلك يوطيك

لحظة نبي نرجع عصور قديمة
بقول لك شي يهزك يبكيك

شئ يهز أهل العقول الفهيمة
ماكل شئ بالمسمى يسميك

تدري من اللي تستحق الحليمة
أم الرسول أطهر حليمة وتكفيك

العين تبكي من كلامك وضيمه
لكن عسى ربي بفعلك يجازيك

بارك اللة فيك على النقل ونشكر الشاعر وكذللك كل عضو في المنتدى

مشكورين على مروكم الطيب الف شكر

نورتو الموضوع

لكم الف تحيه

كلام وشعر جميل