سلام العشق

سلام العشق وأعماقه ...
يضم القلب وأشواقه ..
تجيك الروح مشتاقه ...
وتهديك القصيد ألوان ...

على درب الهوى جينا ..
من أول ما تلاقينا ...
تغير كل ما فينا ....
وعشنا فرحة الأزمان ...

عرفنا الحب وأسراره ..
وكتبنا أجمل أشعاره ..
وغنينا على أوتاره ...
وذبنا بالغرام ألحان ...

نسينا كل مواجعنا ...
وبقينا اثنين ما معنا ..
سوى الأشواق تجمعنا ..
بلا هجر وبلا حرمان ...

ألا يا حبي السامي ..
لقيتك بأول أيامي..
تعال وجدد أحلامي ...
ترى قلب الهوى سهران ..

شربت الحب من كاسك ..
وطعم الورد بانفاسك ..
لأنك عذب باحساسك ..
وانا مغرم بك وولهان ..

حبيبي كان ما تدري ..
ترى حبك بدا يسري ...
بدمي وانت يا عمري ...
سكنت بداخل الشريان ..

قطعنا الحب ودروبه ...
وصغنا روعة اسلوبه ...
حكاية عشق مكتوبه ...
وصرنا للهوى عنوان ..

تحياتي : احمد الحاج
ابو مـــــــــــازن

يعجز الشعر

قالـوا إنـك تحـب وقلـت لـيـه الـسـؤال ؟
كل شخـص ٍ يحـب وكـل شخـص ٍ يميـل
والهـوى ديـرة ٍ مـا بيـن صـد ووصــال
دوم فيـهـا نـــزول ودوم فـيـهـا رحـيــل
يـا عـرب والقلـوب أشوفهـا بألـف حـال
بيـن قلـب جريـح وبيـن قـلـب ٍ قتـيـل ..
والا أنا لـو باحـب أحـب بنـت الخيـال ..
نـادره مـا لهـا بالنـاس شبـه ومثيـل ...
فاتـنـة نـاعـمـه فـيـهـا هـــدوء ودلال ..
حاويـة كـل زيـن وكـل طـبـع ٍ أصـيـل ..
مـن يعـرف الجمـال يقـول هـيّ الجـمـال
وصفهـا فـي قصيـدي يشبـه المستحـيـل
كن في وجهها صبـح ٍ ضحـك لـي وقـال
يـا صبـاح المحبـة مـن خليـل لخلـيـل ..
وكن فـي عينهـا رمـش ٍ ينـادي تعـال ..
واعذابي من الرمش الكسول الكحيـل ..
شعرها ليل ٍ أسود فيه صمـت وجـدال ..
إن تحرك يضيع الصبح بأطراف ليـل ..
إن تناثـر جديلـه مـن يمـيـن وشـمـال ..
ضمني في بياض الصدر تحت الجديل ..
والشفايـف مثـل جمـر ٍ يزيـد اشتعـال ..
ودي أضـمّ جمـره ليـن أشـبّ الفتـيـل ..
إن مشت كنها غصن ٍ مع الريح مـال ..
هزّه الشوق مـن فـوق خصـر ٍ نحيـل ..
كــن فيـهـا رســوخ ٍ علّمـتـه الجـبـال ..
وكـن فيهـا شـمـوخ ٍ علّمـتـه النخـيـل ..
تجمع الكـل فيهـا مـن جمـال الخصـال ..
بنت قلـب ٍ رشيـد وبنـت عقـل ٍ ثقيـل ..
كـامـلـه والله الـلــي يسـتـحـق الـكـمــال
صـورة ٍ كـل مـا فيهـا فـريـد وجمـيـل ..
يعجز الشعر عنها حتى لو في الخيـال ..
كنـه يقـول يـا ناصـر تـرى مستحيـل ..

تحياتي : احمد الحاج
ابو مـــــــــازن

يعطيك الف عافيه

احمد مشكور مجهو كبير تقوبه