لا ضاق صدري رحت للبر حطاب

لا ضاق صدري رحت للبر حطاب ـــــــــــــــــــــــــــ وشبيت ناري في صحاري خلاها
وسط الفياض اللي بها أزهار وأعشاب ــــــــــــــــ ريح الخزامى فايح(ن) في مساها
استرجع الذكرى على رأس مرقاب ــــــــــــــــــــــ وأرسم لقلبي صورة(ن) ما نساها
دنياك تلبس لك عبايه وجلباب ــــــــــــــــــــــــــــــ وتخفي غدر سود الليال وجفاها
شفت القمر يوم اكتمل صار جذاب ــــــــــــــــــــــ نور ليال(ن) مظلمه في سماها
ترى العمر مثل القمر طل ثم غاب ـــــــــــــــــــــ أغنم حياتك لا تكدر صفاها
حافظ على الطاعه قبل يقفل الباب ــــــــــــــــــــ ثم يتبين صحها من خطاها
اليوم فعل الطيب راعيه ما خاب ــــــــــــــــــــــ عند الرجال اللي بعيد(ن) مداها
الطيب يبقى يا فتى الجود لو شاب ـــــــــــــــــــــ في شجرة(ن) سيل المكارم سقاها
والبيت ما يبنى بلا أوتاد وأطناب ـــــــــــــــــــــــ ومن لا بنى يسكن مذاري هواها


مع تحيات جوال خلاقة:7_2_211:

رد: لا ضاق صدري رحت للبر حطاب

دنياك تلبس لك عبايه وجلباب ـــــــــ وتخفي غدر سود الليال وجفاها

يعطيك العافية

رد: لا ضاق صدري رحت للبر حطاب

ماعليك زوود

صح لسانك

رد: لا ضاق صدري رحت للبر حطاب

صح لسانك تسلم

رد: لا ضاق صدري رحت للبر حطاب

ترى العمر مثل القمر طل ثم غاب ـــــــــــــــــــــ أغنم حياتك لا تكدر صفاها
صح لسانك

رد: لا ضاق صدري رحت للبر حطاب

يعطيك العافيه