بسم الله الرحمن الرحيم
السلام عليكم
الصبرحـكـمـه والـتـجـارب كـثـيــره = والعمـر يفنـى كـن مـا مـر سـاعـه
مــن حــب دنـيـاه أتعبـتـه المـريـره = وارتــاح مــن يحـمـد إلـهـه وطـاعـه
تشـوف فـي دنيـاك أشيـاء خطـيـره = والفـكـر دايـــم يتـعـبـك بإخـتـراعـه
والنفس من اجل الطمع كم تثيـره = وتـــاه فـكــرك وافـتـقـد للـمـنـاعـه
وأسبابـهـا قــل البـصـر والبـصـيـرة = والشـوق واللهفـة وكـثـر اندفـاعـه
إذا حـسـدت الـنـاس تـبــلا بـغـيـره = ودايمـن نفـسـك تـحـس المجـاعـه
واذا نسيت الناس في كـل سيـرة = ارتـــاح بــالــك والـغـنــا بالـقـنـاعـة
لان الطمـع يصنـع تعـاسـة وحـيـره = والفكر يبقـى وسـط حفـرة وقاعـه
فالـرزق مـن ربـي وان قــل خـيـره = وان زاد مـاهــو بـالـذكـا والـبـراعــة
هـذا وصـادق نـاس مـن كـل ديــره = لان الصداقـه كالبنـاء فـي ارتفاعـه
فالطيـب يـزرع طيـب والعـار عـيـره = ولا احترمت انسان تكسب جماعه
واكرم دخيلـك لـو ضمـارك حصيـرة = لان الكرم ساس الوفـا والشجاعـه
وأشـيـا كثـيـرة كـالأمـانـة وجـيــره = والصـدق والمبـدأ وحـفـظ الـوداعـه
وكـل عاقـل اسمـعـه واستشـيـره = وطـيـع ذي طاعتـهـم أكـبـر نفـاعـه
هــذه نصـايـح مــن فهمـهـا تنـيـره = ماهـي سوالـف أو تـجـارة بضـاعـه
كتبتـهـا مــن تجـربـة لــي كـبـيـره = من جورهـا ضـاق الفضـا واتساعـه
كـم ليلتـن مـرت وعينـي سهـيـره = والحـزن كـم خيـم وركـب شـراعـه
من صغر سني والخواطـر كسيـره = والأمــن والأفــراح عـنـدي مـبـاعـه
وفــوق ذا خلـيـت نفـسـي قـديـره = وأقنعتـهـا تشـبـع بـأكـبـر مـجـاعـه
وأيقنت ان الشخص يلقـى مصيـره = وان القـدر مالـه وسـيـط او فـراعـه
وان الـحـيــاة الـعـامــرة الأخــيــره = والموت لا جا كن ما عشت ساعة

ما شاء الله صح الله لسانك . وزادك الله ايمانا وحكمة

اشكر الله وحده ثم اشكركم ع مروركم

وكل عام وانتم بالف خير وصحه وسلامه

يامرحبا بالفاتح

مشكورين يعطيك العافية

نتذكر الماضي فنجده يختلف كثيرا عن الحاضر

وحينها نتحسب للمستقبل ولا نعلم مايخبيه لنا

ولكن تضل الحياه مستمره والقدر لايوجد منه مفر

صح لسانك اخي وعوده حميده

يعيطيك الف عافيه اخي نصائح من ذهب

مشكور على الاهداءسانتظر جديدك ايها الشاعر الحكيم

احترامي لك وتقديري وتقبل مروري ياغالي

الف شكر ع مروركم

يالله حيه عبد العزيز الله يسعدك

مرحبا بك يالفاتح بين ربعك وفي الديرة @@ عداد ماجلجل باروت بارق الشواعة
وعداد ماسقى الدلو جدب الخضيرة @@ وعداد مالمحاجي تزلزلت من ميازر يفاعه
من حصن بن مخلق لك الف تعشيرة @@ يثورها العاقل وتتبعه انمار خزاعة


تقبل تحياتى وننتظر منك المزيد فا الغصن الفواح دوم يعطر منتدانا

هــذه نصـايـح مــن فهمـهـا تنـيـره = ماهـي سوالـف أو تـجـارة بضـاعـه
كتبتـهـا مــن تجـربـة لــي كـبـيـره = من جورهـا ضـاق الفضـا واتساعـه
كـم ليلتـن مـرت وعينـي سهـيـره = والحـزن كـم خيـم وركـب شـراعـه
صح لسانك يابن الفاتح قصيده روعه في الطرح والمعنى ننتضر جديدك دمة بود