تعاااااااااتبني

تعاتبني بنظرات خفيــة

وأجاملها ولا ادري وش وراها

أجاوبهـا بنظرات حزينة

تعبر عن ضنـا الروح وشقاها

أسايرها وأجاوب كل نظرة

وأخبي الوجد وأبحث عن رضاها

وعقب ما شفتها عرفت قلبي

تناســاها ولكن ما نساهــا

غلاها يزود مع زود الليالي

وباع الناس قلبي واشتراهــا

وصرت أغار أنا منها عليها

خطا نفسي وآنا أتحمل خطاها

وأغار من أمها حتى وأبوها

وأغار من الذي بأمره ولاهـا

وأحسد اللي تبره بالرعايـة

وأحسد اللي بأحاسيسه رعاها

وأحسد البنـز لا قامت تسوقه

أخاف أنه يشاركني غلاهـا

وأحسد الريح لا حرك شعرها

وأحسد عيون غيري لا تراها

وأغار من القمر لا شع نوره

خذت نور القمر واصبح ضواها

وأحسد الشمس لا بانت عليها

أشعتهــــا تسبب في أذاها

وأحسد الأرض لا داست عليها

أثر خطواتها تحيي ثراهـــا

وأغار من النجوم إليا تعلت

وشافتها وعيني ما تراهـــا

وأغار من الهدوم اذا لبستها

عساهـا ما تجرحها عساهـا

واغار من الخواتم في يديها

وساعتهــا وكل اللي معاها

وأغار من القلادة في نحرها

وأغار من الشعر لامن كساها

وأغار من القصيدة لا قرتها

ولو هي قصتي واشكي جفاها

وتشمل غيرتي حتى المرايا

يحق لهــا بشوفتها تباهـا

نعم وأغار حتى من الوسادة

وأحسد فراشها ويا غطاهــا

آلا يا من يساعدني عليهـا

يوصلني هوى النفس ومناها

عجزت أعالج جروحي بروحي

جروح القلب ما تشفى بلاها



مع تحيااااااااااات ابو معا الخلاقي

سلمت يدك اخي العزيز ولكن لي ملاحظه على نقلك للمواضيع

الا هيا انك تنزل مواضيع بكثره وهذا يصعب ويملل القارئ منها وارجو منك

ان لا تاخذ انتقادي بحساسييه وانا انصحك انت وكل الاخوه بعدم المرادفه للمواضيع

وهذا وانا ممتن لك على ما تقوم فيه في هذا المجلس الكريم

مشكور اخوي ابو معااذ يعطيك العاااافيه