اسئلة ترفع الضغط(ودك تذبح الي يقولها)

الخلاقي999 · فبراير 10, 2008

بعض اللقافة والكلمات اللي ترفع الضغط

وودك تتوطى في بطن اللي قالها

مثلا :-

أنت بغرفتك منسدح بالسرير ومطفي النور ومتلفلف اي متغطي بالبطانيه >>> أحيه يالبرد . . .

يجي أحد أخوانك ويفتح الباب عليك ويقول :- بتنام ! ! !

(( لا أبرقص وش رايك يعني أكيد أبنام )) لووووول

أنتم معزومين عند ناس ورحتو لبيتهم وأول ما فتحوا الباب لكم , قال ولدهم :- " جيتــوا العزيمـه "

(( لا رحنـــا ,, أكيد جينا وأنت وش تشوف ))
والعكس :- أنت لابس ثوبك وكاشخ بالشماغ وماشي بالبيت متجه لباب الشارع ,,

يجي أحد من أهلك وينادي بصوت عالي >>> بتطلع ! ! !

(( لأأبدخل ,, أيه أبطلع ))

أو مثلا راكب السياره وشغلت الموتر شوي وتدوس على البنزين يطلع لك واحد ويطق على القزاز , ,

أنت بكل ذوق تفتح القزازه وتقوله :- آمر يالحبيب ؟

يقولك :-بتمشي با السياره ! ! !

(( لا أبفحط وأسوي خمسات . . . . أكيد أنا ماشي ))

عزيزتي الفتاة مثلا أنتي بالكليه وقمتي من الطاولة عقب ألف سالفه وسلافه يتخللها الحش والضحك

والغشمرة ورحتي عند الباب تلبسين عبايتك . . .

تجي وحده ملقوفه من البنات وتقولك : - فلانه بتروحين البيت ! ! !

(( لا أبطلع برا أشم هواء , , أكيد أبروح لـبـيـتـنـا من زين الكليه جالسه في استاربوكس ونا مدري ))

مثلا ماسك سماعه التلفون وقاعد تضغط بالأرقام يجي أحد من أهلك ويقولك :-تكلم بتلفوون ! ! !

((لا بصور معه كم صوور تذكاريه , , أكيد أبكلم ))

مثلا :- ماسك مذكرة أو كتاب وقاعد تحفظ ومتحمس . . جاء أحد وقالك :- قاعد تذاكر ! ! !

(( لا أفرش اسناني , , , أيه أذاكر ))

أو مثلا تتسبح بالمسبح بالإستراحه يجي واحد من أصدقائك يمر عليك ويقول :- فلان تسبح ! ! !

(( لا أتروش . . . اللي يسمعك ما تشوف أيه قاعد أسبح ))

ولا تعالــو شوفو قنواتنا وأسئلتهم البديهيه البايخه . . , ,

برنامج أهداءات يتصل واحد يطلب أغنيه ؟

ترد عليه المذيعه بكل سخافه :- أنت بتحب هذه الأغنيّة ! ! !

(( لا ما أحبها بس طالبها أستهبل , , إيه أحبها ليش أجل متصل ))

أو مثلا بالعيد جايـيـن يقابلون مع الناس شوفو حوارتهم :-

المذيع :- مرحبا عرفنا على أسمك ؟

المواطن :- فلان الفلاني . . . . .

المذيع :- وش تقول لأهلك بالعيد ؟ ! ! !

المواطن :- أقولهم كل عام وأنتم بخير . .

(( أكيد يبي يقولهم هالعباره , أجل وش تبونه يقول بهالمناسبه ))

والأسخف من هالبديهيات اللي تضيع وقتنا إذا قابلو مع بزارينا , , ,

يقول المذيع للبزر :- أنت تحب ماما وبابا ! ! !

(( أيه يحبهم أجل تبي يقول لا ))

المذيع :- أيش تسوي بالعيد أكيد تروح لأهلك تسلم عليهم وتقولهم كل سنه وأنتو طيبين ! ! !

(( لا أبروح أكفخهم وأسوي هوشه , , , أكيد أبعايدهم ))

واحد شاايل شنطته ومتجه عند بوابه المطار ويشووفه خويه با الصدفه هلا والله اعلومك اخبارك شو تسووي في المطار

(( والله جاي اشوف مباراه الهلال والأهلي... اكيد اني بسافر ))

توفيق القاضي · فبراير 10, 2008

عن جد بترفع الضغط

يسلموووو خلاقي 999

الخلاقي999 · فبراير 11, 2008

يعطيك العافيه على المرور العطر

ابو علي · فبراير 11, 2008

اسئله ترفع الضغط
في محلها
مره واحد على ضهره الخنزره وسئله واحد ثاني قال منين جيت ؟ وسكت منه ورد عليه السؤال مره ثاني وثالثه (طبعا انا اغير بعض الكلمات الغيرلائقه)مره بسه امامهم وقال لها بالله جاوبيه منين اجيت.........ههههههههههههههههههههههههههههههههههههههههههههه

الخلاقي999 · فبراير 11, 2008

ههههههههههههههههههههههههههههههههههههههههههههههههههههه

يعطيك العافيه واسعدني مرورك

ابو الأحمدين · فبراير 11, 2008

يسلمووووووووووو
صحيح بيرتفع الضغط

الخلاقي999 · فبراير 11, 2008

تسلم على المرور يابواحمد

فضل الخلاقي · فبراير 11, 2008

الحمدلله مافي ضغط بنا
الحمدلله والشكرلله

وهذا مجرد سؤال بس

وعلى العموم يعطيك العافيه

الخلاقي999 · فبراير 11, 2008

انا قصدي انها اسئلة غبيه وتخلي الواحد يعصب

ومشكور على المرور اخوي فضل

تـسـجـيـل الـدخـول

اسئلة ترفع الضغط(ودك تذبح الي يقولها)

الخلاقي999

توفيق القاضي

الخلاقي999

ابو علي

الخلاقي999

ابو الأحمدين

الخلاقي999

فضل الخلاقي

الخلاقي999

المزيد من هذا القسم

انشر هذه الصفحة