ظبية الخور

فواز بن حاجب السعدي‎

ظبية الخور
======
من على خور المكـلا في محـل بين الجســور
شفت ظبيه والمدن ماهي مـــراعـي للظبــي

كاسره كل القــواعد فــي التواجــد والحضـــور
والــذي قــــد زدانــي حيــــره وزاد اتـعجبــي

كيف تمشي فوق سطح الارض يابــدر البــدور
كيف نورك كان ساطــع قبــل يدخـــل مغــربي

حــوريه وانا الذي اعرفه مــافي الارض حـــــور
كسّرت كـــل القـواعــد قــلت لك يـاصــاحبـي

واذكر ان الشمس ذاك الوقت مــالت للصفـــور
عنــدما قــامــت وشميت البخـــور المــغـربي

واتظـح لـي حينها مــن وين جـاء ريح البخـــور
من حــديقة ورد تمشي ع الـرصيف الجـانبـي

عطر ماعمرك تشمــه في محــلات العطــــور
لا دخــون اصــلي ولاحتـى مخــلط محــلبـي

عطــر اسكرتي وانا مـــاقــد تعــاطيت الخمـور
حينـها وقّــفت اتمتــم بالصـــلاة على النبــي

عنــدمـا مرت بجنبي قــاصـده جسـر العبـــور
قـلت دون شعــــور يابنت الاكـــــارم قـــربــي

حيــن صحتني بنظــره غــامضه فيـــها فتـــور
بـعـدهــا قــالت باسلــوب التهكم وش تبـــي

حين قــالت لي كــذا حسيت بالدنيــاء تـــدور
قــلت لا .لاتــرفــعي خشمك علي وتعصبــي

والله انه صــدق من يجهل مقــامــات الصقــور
فــوق جمـــر النـــار .ع المظبــاه يظبيها ظبي

ايش لي يقتل جمــال البنت ؟يقتـــله الغـــرور
قد سألتك فـي تواضــع بالتواضــع جـــــاوبــي

مثل شاعرك الذي مايعجبه جــــرح الشعــــور
بالتواضــع واللطــافه مــن لحــــومـه قـطّبــي

لوسمحتي نصف ساعه باشرح بعـض الامــور
قالت ان شي فيسبوك عندك دخل لاصفحتي

قلت من اجــل التواصل باعمل عـــدة جســور
عنــدي الوتساب زائــد فيسبـوك واسكــايبي

افتــح الصفــحه وخــلك متصــل دون الظهـــور
وعـد مــاباقــول لك وش فيـك والا وش تبــي

عنـــدمــا خشيت صفحتها وانـا واثـــق فخــور
قـالت اهــلاً بالعمودي .قلــت اهـــلاً وارحــبي

الجميله من عدن من اهل شاطي قـولد مـور؟
او بنــات العيــن ؟او بـوظبي والا مــــن دبـي؟

قــالت اصلي حضـرميــه قــلت زاد النــور نــور
حضرميه !!! كــل مقصودي وغــايــة مـطلبي

قــالت اهــلا فيــك وبكـل السعــاده والســرور
افتخــربالحضــرمي مــاطيق جنـس الاجنــبي

يـابـنيه ليــش خــالفــتي قـــوانين المــــــرور
تــدخـليـن القــلب مــاتستــاذنـيـن او تطلبي

من نظــر عينيك شقيتي بقلــب القحـــم خور
صــار لك خـــورين ياحلـــوه تـمشي والعبــي

من يـــــراء شــدة عبايتها ولـــزات الصـــــدور
قـــال حطــوني عبـــايه فــي محــلات العبـي

صـــدق ان العشق بعض احيان من نظــره يثور
مــادريــت الا وانــا ع الفــرش جالس محتبـي

اجمــع الكلمات وارسمها صــور بين السطـــور
ليــن مـــاظهرت صــورهــا في عنــاوين اكتبي

والصـــور فـي الذاكــره مــرّت لهاعــدة شهــور
لا اقـــد انــساهــــا ولاتقــــدر تلبي مــطلبي

لاتغـــاري ..كــــان هـــــذا حلم يا أم الــزقـــور
لــو احب غيرك .انا مجنــون او شـــاعــر غبــي
بواسطة: عبدالرحيم العمودي

سلمت ولاعدمناك على نقل هذة القصيدة الجميلة بارك الله فيك