تكفين ياطيور حرار إفزعيلي ..

تكفين ياطيور حرار إفزعيلي
آبي عن إديار الاهل منك الأخبار


تكفين حومي فوقهم وارجعي لي
والا ان حصل لك حومة داخل الدار


تكفين حول أبيوتهم دوري لي
سبعة فروخ يوم أخليهم صغار


شوفي ضناي وعودي وانكفي لي
وشلونهم ياعلهم صارواكبار


نسيوادفاي ونومهم في شليلي
وش علمهم ياعلهم طول الاعمار


قولي لهم أن امكـم له عويلي
خمسـة سنين دمعها دوم مدرار


وقولي لهم اني على طول ليلي
انوح ولياقرب الصبح انهــار


وقولي عيونه دايم له هميلي
تبكي لياشافت من الناس زوار


كل يوم اقول اغدي حديهم يجي لي
راحت سنين مابهم واحد زار


وأنا اللي من سبة سوات الحليلي
حالي تردت كل ماله وتنهار


وفرقى ضناي اللي تردت بحيلي
كني على شوفتهم اصلى على نار


ياويلي كان الله عجل رحيلي
وانالي سنين ابي لوهي اخبار


ياعونة الله الله من يبي يتكي لي
جارت علي بامرالولي كل الاقدار


تنكروا من يدخلون الدخيلي
واللي بوسط ديارهم يامن الجار


قولي لهم ياطيور قلبي عليلي
الله يكافي قلوبهم صارت احجار


وأنا اللي لبراق الخيال استخيلي
وأقول ياعل ( - ) للامطار


تكفين وسط ديارهم صوتي لي
شوفي عسى لاسمي مع الناس تذكـار


وقولي لمن نسيانهم يستحيلي
يااللي نسيتوها ترى الوقت دوار


ياهيه ياللي بالسمالك هديلي
ردي خبر تكفين يكفيني امرار


شوفي اكااللي نومهم في شليلي
من اذانه المغرب الى وقت الاسحار


شوفي اكااللي مااهتني في مقيلي
الا بمقيل معهم كباروصغار


وقولي لهم ان كان حملي ثقيلي
مره يجون وعقبها شي ماصار


وانا يتـولاني كريم جليلي
ياعلني في جنته وسط الابرار

________________________________

خالد بن محمد آل عشيــــــــــــــــــش ..
________________________________

تسلم ياال عشيش على القصيده الاكثر من رائعه